ÍBÚASAMTÖK MIÐBORGAR REYKJAVÍKUR

Starf Íbúasamtakanna

Íbúasamtök Miðborgar Reykjavíkur voru stofnsett á fundi í Iðnó þann 11. mars 2008. Tilgangur samtakanna og markmið er að efla samhug og samkennd íbúa, vera samstarfsvettvangur íbúa, félagasamtaka og hagsmunasamtaka á svæðinu, vinna að framfara- og hagsmunamálum í hverfinu, standa vörð um sérkenni hverfisins og starfa með Hverfisráði Miðborgar og öðrum opinberum aðilum sem fara með málefni hverfisins og íbúa þess og íbúasamtökum annarra hverfa.

Á þessari síðu birtast samþykktir og ályktanir félagsfunda og stjórnar og ýmis gögn um þau verkefni sem Íbúasamtök Miðborgar vinna að.

Fundir, málþing og uppákomur

Skammdegisgleði 2020
Á annað hundrað manns litu við á Skammdegisgleði Íbúasamtakanna í Spennistöðinni 8. febrúar, hlustuðu á Kára Egilsson og Skólahljómsveit Vestur og Miðbæjar, dönsuðu salsa, bjuggu til teikninmyndabækur og þáðu veitingar. Meira

Bætt verslun og þjónusta
Íbúasamtök Miðborgar Reykjavíkur boða til hugflæðifundar um bætta verslun og þjónustu við íbúana í miðbænum laugardaginn 9. nóvember kl. 13-15 í Spennistöðinni, félags og menningarmiðstöð miðborgarinnar. Meira

Umferð í miðbænum
Fyrsta málþing vetrarins hjá Íbúasamtökum Miðborgar er um samgöngur í miðbænum. Málþingið verður í Spennistöðinni, félags og menningarmiðstöð miðborgarinnar laugardaginn 12. október kl. 13-15. Fjallað verður um umferðarmál, almenningssamgöngur, akstur með ferðamenn og ýmislegt fleira sem lýtur að umferð um miðbæinn. Meira

Sambýlið við ferðaþjónustuna
Málþingið verður haldið í Spennistöðinni , félags og menningarmiðstöð miðborgarinnar laugardaginn 6. apríl kl. 13-15. Málþingið hefur það markmið að íbúar miðbæjarins geti rætt milliliðalaust við rekstraraðila í ferðaþjónustu. Meira

Málþing með þingmönnum
Íbúasamtök Miðborgar Reykjavíkur buðu þingmönnum Reykjavíkurkjördæmis norður til málþings í Ráðhúsinu þriðjudaginn 12. febrúar 2019 en þá voru kjördæmadagar. Meira

Málþingi aflýst
Málþingi Íbúasamtaka Miðborgar Reykjavíkur með þingmönnum Reykjavíkur norður sem fara átti fram laugardaginn 29. september í Ráðhúsi Reykjavíkur var aflýst vegna dræmrar þátttöku þingmannanna. Meira

Fundur með frambjóðendum
Íbúasamtökin gengust fyrir málþingi í Spennistöðinni laugardaginn 14. apríl 2018 þar sem fulltrúum allra framboða til borgarstjórnarkosninga var boðið á til að kynna stefnu sína í málefnum miðbæjarins og svara spurningum íbúanna. Meira

Vorblót ÍMR
Laugardaginn 13. maí 2017 fögnuðu íbúar í Miðborginni vorkomunni með vorblóti í Spennistöðinni með lúðrablæstri, grillmat, flugdrekagerð og umræðum um landbúnað í 101. Meira

Íbúasamtök ræða málin
Þriðjudaginn 28. mars héldu stjórnir íbúasamtaka þriggja hverfa fund í Spennistöðinni, félags og menningarmiðstöð miðborgarinnar, þar sem rædd voru sameiginleg hagsmunamál hverfanna. Þetta voru Íbúasamtök Miðborgar, Íbúasamtök Vesturbæjar og Íbúasamtök 3. hverfis, en því tilheyra Norðurmýri, Holt og Hlíðar. Meira

Góðir grannar
Íbúasamtök Miðborgar Reykjavíkur efndu til málþings um nábýlið í miðborginni laugardaginn 4. mars 2017 í Spennistöðinni – félags- og menningarmiðstöð miðborgarinnar. Miðborg Reykjavíkur er þéttsetnasta svæði landsins og markmið málþingsins var að gera sambýlið þar auðveldara, öruggara og skemmtilegra. Lýsing af málþinginu er hér

Börnin í miðbænum
Annað málþing vetrarins 2016-17 var haldið 12. nóvember í Spennistöðinni. Þar var fjallað um aðstæður barna og unglinga í miðborginni, spurt hvað væri fjölskylduvænt hverfi og hvort miðborgin uppfyllti öll skilyrði til að teljast fjölskylduvæn. Lýsing af málþinginu er hér

Sambýlið við ferðaþjónustuna
Þann 24. september 2016 stóðu Íbúasamtök Miðborgar fyrir málþinginu Sambýlið við ferðaþjónustuna í Spennistöðinn, félags og menningarmiðstöð miðborgarinnar. Þar var rætt um sambýli miðborgarbúa við hratt vaxandi ferðaþjónustu en miðborg Reykjavíkur er fjölsóttasti ferðamannastaður landsins. Lýsing af málþinginu er hér

Málþing um miðborgina sem íbúahverfi
Íbúasamtök Miðborgar, foreldrafélög leik- og grunnskóla í Miðborginni og Hverfisráð Miðborgar efndu til málþings um miðborgina sem íbúahverfi 5. nóvember 2011. Lýsing af málþinginu er hér á Pdf-formi

Verkefni

UmHverfisgöngur ÍMR
UmHverfisgöngur eru tilraunaverkefni Íbúasamtaka Miðborgar í samstarfi við verkefnisstjóra miðborgarmála. Þetta eru göngur um afmörkuð svæði eða götur í hverfinu og er tilgangur þeirra að vera samráðsvettvangur borgaryfirvalda við íbúa til að bæta umhverfi þeirra. Meira

Heil brú 2016-18
Verkefnið Heil brú hefur nú verið í gangi í tvö ár en það eru smiðjur og málþing sem haldin eru í Spennistöðinni en markmið verkefnisins er að bæta hverfisandann og samheldnina í miðbænum. Meira

Áfangaskýrsla um Spennistöðina
Í nóvember 2016 var lokið tveggja ára tilraunatíma um rekstur Spennistöðvarinnar, félags og menningarmiðstöðvar miðborgarinnar. Af því tilefni gerði húsráð Spennistöðvarinnar áfangaskýrslu en fulltrúar Íbúasamtaka Miðborgar sátu í húsráðinu. Áfangaskýrslan er hér á Pdf-formi

Heil brú í Miðbænum
Verkefninu Heil brú er hleypt af stokkunum til að tengja saman alla notendur Spennistöðvarinnar og eru einkunnarorð þess: Sköpum, ræðum og leikum okkur saman. Markmiðið með verkefninu er að bæta hverfisandann og samheldnina í hverfinu. Meira

Félags og menningarmiðstöð í spennistöð OR
Íbúasamtökin tóku þátt í vinnu starfshóps um að koma á fót félags og menningarmiðstöð í spennistöð Orkuveitunnar á lóð Austurbæjarskóla ásamt fulltrúum frá Austurbæjarskóla, Foreldrafélagi Austurbæjarskóla, Kampi, ÍTR og Framkvæmda- og Menntasviði Reykjavíkurborgar. Tillaga starfshópsins er hér á Word-formi