|
Stjórnarfundur 4. desember 2018
Fundur Stjórnar Íbúasamtaka Miðborgar, 4. desember 2018 kl. 20 að Laufásvegi 20.
Mætt: Benóný Ægisson, Guðrún Erla, Einar Thorlacius, Eva Huld Friðriksdóttir, Aðalsteinn Jörundsson, Vilborg Halldórsdóttir og Ragnhildur Zoega.
1.Dagskrá ÍSM næstu mánuði:
Hverfismiðstöðin Spennistöðin verður tilbúin á nýju ári og þá ekkert því til fyrirstöðu að halda þar almennafundi og stórnarfund. Samþykkt að halda almennan fundi að jafnaði annan laugardag í mánuði. Þriðjudaginn 12. febrúar (í kjördæmaviku) verður þingmönnum Reykjavíkur-Suður boðið að mæta á fund íbúasamtakanna, til að svar spurning sem þeim verða sendar. Fundur í mars verður annað hvort tileinkaður umferðarmálum eða sambýlinu við ferðþjónustuna. Póstlisti félagsins telur aðeins um 200 manns - stefnt að því að kynna félagið betur fyrir íbúum hverfisins. Með tillit til að mikið af nýjum íbúðum eru að bætast við hverfið á næstu mánuðum var ákveðið að fara ekki í kynningarátak fyrr en í september.
2. Betri hverfi:
Borgin var með ,,Betri hverfi” í 10. skipti nú í haust. Stjórnin sammála um það sé fjarstæða að verið sé að greiða atkvæði um sjálfsögð viðhaldsverkefni í almannrýminu. Sem og að hverfið okkar, Miðborgin, hafi þá sérstöðu að mikið af verkefnum sem í boði er að greiða atkvæði um séu fyrir alla þá sem koma í hvefið, en nýtist alls ekki sérstaklega íbúum. E.t.v lausn að atkvæð fylgi lögheimilisfestu í hverfi. Fundarmenn sammála um að stjórn eigi að fá til umsagnar hvaða hugmyndir fari til atkvæðagreiðslu í Betri hvefi. Formanni falið að semja álitsgerð um málið. Ákveðið að ræða um það hjá Miðborgarstjórn hvort ekki sé hægt að standa betur að því þegar gangstéttum er lokað (faratálmun) vegna byggingaframkvæmda t.d. með hámarks tíma tálmana.
3. Hverfisráð/borgarhlutaráð:
Formanni falið að skrifa bréf til borgarinnar og koma á framfæri hvað stjórninni hugnast af hugmyndum sem settar hafa verið fram sem tillögur að Borgarhlutráðum og hvað stjórnin telji að betur megi fara.
4. Fundur vegna áramótanna:
Formaður sagði frá fundi sem haldin var vegna gamlárskvölds. Málið er í farvegi og virðist sem koma eigi til móts við eitthvað af athugasemdum stjórnar. Skotsvæði verða sitt hvoru megin við Hallgrímskirkju. Nokkrir ,,dyraverðir” sjá um gæslu og borgin mun hreinsa Skólavörðuholtið strax um nóttina og betur næsta dag.
Fundi slitið kl 21.55
Guðrún Erla Geirsdóttir
Tilbaka
|
Gamla myndin er af Hótel Íslandi sem stóð á horni Austurstrætis og Aðalstrætis. Smellið á myndina til að stækka hana og hér má finna fleiri gamlar myndir úr miðborginni
|
