ÍBÚASAMTÖK MIÐBORGAR REYKJAVÍKUR

Stjórnarfundur 3. október 2016

Fundur í stjórn íbúasamtaka miðborgar Reykjavíkur. Fundurinn var haldinn 3. október 2016 í „Hinu húsinu.“ Fundurinn hófst kl. 18:30

Mætt í upphafi fundar: Benóný, Gunnar, Ragnheiður, Gerla, Guðrún & Einar. Birgitta mætti kl. 19:18. Gunnar yfirgaf fundinn kl. 19:55. Fundinum lauk kl. 20:07

1) Farið yfir fundargerð síðasta fundar. Hún var samþykkt.

2) Málþing um sambýlið við ferðaþjónustuna. Umræður. Gerla var ánægð, aðsóknin frábær. Framsögurnar ágætar. Ljóst væri að borgarkerfið ynni hægt. Gott væri að setja bönd á Airb&B og íbúðagistingu en lagabreyting tæki gildi um næstu áramót. Gott væri ef hægt væri að setja kvóta í skipulagi á gistiheimili líkt og gert er með hótelin. Guðrún var líka ánægð með málþingið en benti á að víða væri atvinnustarfsemi að leggja undir sig íbúðarhúsnæði í miðbænum. Einar lýsti yfir mikilli ánægju sinni líka en benti á að fundarstjórn hefði mátt vera markvissari og eins var hann ekki alveg sammála ræðu formanns í byrjun. Gerla lagði til að borgarapparatinu yrði sendar niðurstöður málþingsins. Benni benti á að taka hefði þurft málþingið upp á myndband. Einar nefndi að gaman væri að fá tölur nokkur ár aftur í tímann um þróun nemendafjölda í Austurbæjarskóla.

3) Rætt um næsta málþing sem er áætlað 5. nóvember (eða 12. nóvember). Benni stakk upp á fjalla um „börnin í miðbænum.“ Fundarmönnum leist vel á það. Einar sagðist geta aflað talna frá Austurbæjarskóla um þróun nemendafjölda undanfarin ár en eitthvað mun nemendum hafa fækkað. Gott væri að fá borgarstjóra eða formann borgarráðs á fundinn. Rætt um fjölskylduvænt hverfi, leikskóla, foreldrafélög og tómstundastarf. Frekar stuttar framsögur en vinnuhópar. Boða líka nemendaráðin í spjall/samtal. Rætt um umferðarmál, leiksvæði, spennistöðina o.fl.

4) Heil brú, hugmyndir um fleiri smiðjur, þátttaka í föndursmiðju 15. október o.fl. 8. október stendur til að vera með blús-smiðju í spennistöðinni. Rætt um að vekja athygli eldri borgara í hverfinu sérstaklega á blússmiðjunni og síðan auglýsa þetta líka. Pétur Hafþór og Dóri Braga munu leiða blúsinn. 15. október stendur síðan til að vera með föndursmiðju (flugdrekagerð) í spennistöðinni og fleira. Rætt um að hafa í framtíðinni t.d. oregami (klippimyndir), útskurð o.fl.

5) Rætt um fundartíma stjórnar. Ágætt að funda kl. 6 á mánudögum (einu sinni í mánuði). Talað um síðasta mánudag í hverjum mánuði.

6) Styrkir hverfisráðs. Benni upplýsti að hann hefði átt viðræður við þjónustumiðstöð miðborgar og Hlíða þar sem enginn styrkur hefði fengist frá árinu 2014. Rætt um að engar umsóknir hefðu verið sendar frá samtökunum. Ljóst er að senda verður inn umsókn fyrir októberlok.

7) Opnun stækkunar Sundhallarinnar. Rætt um hugmynd að gjöf sem hægt væri að færa Sundhöllinni frá íbúasamtökunum við fyrirhugaða opnun viðbyggingar síðsumars eða haustið 2017.

8) Önnur mál. Engin.

Fundi slitið.

EÖTH

Tilbaka

Gömul mynd

Gamla myndin er af Hótel Íslandi sem stóð á horni Austurstrætis og Aðalstrætis. Smellið á myndina til að stækka hana og hér má finna fleiri gamlar myndir úr miðborginni