Aðalfundur ÍMR 2019
Aðalfundur Íbúasamtaka Miðborgar var haldinn í Spennistöðinni, félags og menningarmiðstöð miðborgarinnar 17. október kl. 20.00 – 21.30
Benóný formaður hóf fundinn og kallaði eftir samþykki fundar við fundarstjórn Einars Arnar Thorlacíus og að ritari yrði Ragnhildur Zoega, þau voru samþykkt.
Aðalfundur var löglega boðaður.
Gengið til dagskrár:
1. Skýrsla stjórnar
Formaður, Benóný kynnti ítarlega fjölbreytta starfsemi ársins frá sl. hausti. Fór yfir samskipti stjórnar og borgaryfirvalda vegna íbúaráðs Miðborgar og Hlíða. Skýrsla stjórnar er hér.
2. Reikningar
Endurskoðaðir ársreikningar lagðir fyrir fund og fundarmenn samþykktu þá samhljóða.
3. Stjórnarkjör
Kosning í stjórn í stað Birgittu og Aðalsteins og Birnu. Í aðalstjórn var kosin Margrét Einarsdóttir en varamenn voru kosnir Páll Hilmarsson og Magnús Skúlason. Aðrir stjórnarmenn halda sínum störfum áfram. Sömu skoðunarmenn reikninga voru samþykktir – Halla B Pálmadóttir og Gestur Ólafsson
4. Fjárhagsáætlun
Fjárhagsáætlun næsta starfsárs enn nokkuð óljós þar sem framlag borgarinnar hefur farið minnkandi. Mánaðarlegar uppákomur í Spennistöð fyrirhugaðar annan laugardag í hverjum mánuði.
5. Vinnuhópar
Vinnuhópar eru ekki virkir – en þar kom tillaga Ásu Hauksdóttur að loka miðbænum dagpart í sumar og vera með allsherjargötugrill fyrir íbúa miðbæjarins. Stjórn ætlar að skoða þessa áhugaverðu hugmynd og frekari útfærslu.
6. Önnur mál
*Umræður um hverfisráð og stefnu borgarinnar í þeim málum. Fullrúi miðbæjarsamtaka verður fulltrúi Miðborgar og Hlíða af því að Íbúsamtök 3. hverfis, Hlíða, Holta og Norðurmýrar gefa eftir sína setu – sem átti að vera sameiginleg með miðborginni.
*Umræður um nýja notkun á húsnæði við Skólavörðustíg 8 – sem var áður hárgreiðslustofa en á nú að verða sportbar án nokkurs samráðs við íbúa hússins. Sportbar / stórir skjáir / spilakassar /pílukast.
Vildís Bjarnadóttir íbúi í húsinu lagðu fram ályktun húsfélaga við Skólavörðustíg sem mótmæla breytingu á húsnæði og skorti á samráði og vilja koma þessari ályktun á framfæri við borgaryfirvöld. Ófeigur Björnsson gullsmiður tók til máls og sagði öll framganga borgaryfirvalda í þessu máli væri ótæk. Það þarf leyfi fyrir hundahaldi í fjölbýli en ekki bar og bar við að um eignaupptöku væri að ræða. Ómögulegt er að selja húsnæði í námunda við barrekstur. Magnús Skúlason, arkitekt benti á að borgaryfirvöldum væri ekki stætt á að grenndarkynna ekki breytta nýtingu hússins þó að um blandaða byggð væri að ræða. Stjórn samþykkti að bæta inn lagagreinum og reglugerðum til stuðnings og senda inn ályktun með nánari útfærslu á mánudag 21. október.
Fundarmaður spurði hvort að íbúasamráði færi almennt hrakandi í borginni. Einn fundarmanna svaraði því til að svo virtist sem því meir sem talað væri um íbúalýðræði því minna væri það í framkvæmd.
Kallað var eftir hvort að íbúar vildu sérstakar áherslur í starf samtakann. Engin sérstök svör bárust þannig að stjórn getur skilið sem svo að hún sé á réttri braut varðandi störf fyrir íbúa.
Formaður sleit fundi kl. 21:30 og þakkaði fundarmönnum fyrir komuna og fyrir virka þáttöku.
Ályktun aðalfundar ÍMR 17. október 2019, samþykkt samhljóða:
Þann 10. september gaf byggingarfulltrúinn í Reykjavík út leyfi til að reka billjardkrá í húsinu númer 8 við Skólavörðustíg en þar var áður hárgreiðslustofa. Allmargar íbúðir eru í húsinu og nærliggjandi húsum en ekki var hirt um að grenndarkynna þessa breytingu á notkun fyrir íbúunum og komust þeir ekki að henni fyrr en í byrjun októbermánaðar þegar framkvæmdir hófust í húsnæðinu. Þó hefði öllum mátt vera ljóst að breyting úr hárgreiðslustofu sem lokar kl. 18 yfir í sportbar með vínveitingaleyfi sem lokar um miðnætti eða síðar er veruleg og til þess fallin að valda íbúunum ónæði. Aðalfundur Íbúasamtaka Miðborgar skorar á skipulagsyfirvöld í Reykjavík að taka til endurskoðunar þá túlkun sína að verslun og þjónustufyrirtæki séu jafngild og vínveitingastaðir þegar kemur að úthlutun leyfa og afturkalla leyfi til rekstrar þessa sportbars.
Ragnhiildur Zoega
Tilbaka
|
