ÍBÚASAMTÖK MIÐBORGAR REYKJAVÍKUR

Stjórnarfundur 4. júní 2013

Haldinn á Bergþórugötu 4 kl. 17:30

Mættir eru: Sverrir, Benóný, Guðrún, Halla Bergþóra, Magnús og Hlín sem ritar fundargerð.

1- Svar komið við fyrirspurn um akstur hópferðabifreiða um miðborgina.

2- Bréf frá Borginni, kynning á drögum að nýju Aðalskipulagi og óskað eftir athugasemdum.

Kynning fór fram í Ráðhúsinu 30. maí. Sverrir og Magnús mættu fyrir hönd stjórnar. Vinna drög að umsögn. Ýmislegt gott við drög að nýju Aðalskipulagi, en m.þ. sem gerð verður athugasemd við er leyfileg hámarkshæð húsa allt að fimm hæðum, þéttingu byggðar í miðborginni sem felur í sé eyðileggingu byggðar.

3- Bin hópurinn efnir til samkomu til að vekja athygli á Landsímareitnum.

Íbúasamtökin eru þegar búin að koma sínum athugasemdum á framfæri.

4- Umsókn Íbúasamtakanna um styrk úr Hverfissjóði til kynningar á starfsemi samtakanna fyrir íbúum miðborgarinnar. Sótt verður um hámarksstyrk sem er 700.000 kr.

5- Formaður skýrir frá fundi hjá Hverfisráði. Þar var óskað eftir stuðningi Hverfisráðs við að reka á eftir svörum frá Borgarráði. Erindið sem Íbúasamtökin sendu Borgarráði var fyrirspurn varðandi greiðslur úr Bílastæðissjóði til hagsmunafélags verslunareigenda “Miðborgin okkar”. Hvefisráð tók undir beiðnina.

6- Ákveðið að óska eftir fundi með Sigurði Helga, formanni Húseigendafélagsins. Tilefnið er að vinna sameiginlega að framgangi þess að sett verði lög um nábýlsrétt. Í íslenskum lögum er ekki að finna neinar sértækar reglur um nábýlisrétt.

7- Á fundi Hverfisráðs kynnti Margret Þormar að fyrirhuguð væri kynning á drögum að deiliskipulagi fyrir Njálsgötu og Bergþórugötu reit. Sverrir lagði til að kynningarfundur fyrir hagsmunaaðila og íbúa í hverfinu verði haldinn í sal Austurbæjarskóla. Magnúsi falið að skoða deiliskipulagið en öll hús á þessum reit eru aldursfriðuð. Svo virðist sem þegar sé hafin stórfeld affriðun húsa og að ekki sé nauðsynlegt að leita umsagnar húsafriðunarnefndar.

8- Ákveðið að senda fyrirspurn til Minjastofnunar varðandi lög um húsafriðun þ.e. aldursfriðun og verklagsreglur stofnunarinnar.

9- Ákveðið að hafa einn fund til viðbótar fyrir sumarfrí.

Fundi slitið kl. 19:30

Tilbaka

Gömul mynd

Gamla myndin er af Hótel Íslandi sem stóð á horni Austurstrætis og Aðalstrætis. Smellið á myndina til að stækka hana og hér má finna fleiri gamlar myndir úr miðborginni