═B┌ASAMTÍK MIđBORGAR REYKJAV═KUR

News


Um samt÷kin
L÷g
Starfi­
Fundarger­ir
Greinar
FrÚttir


═b˙asamt÷kin ß Facebook



Sambýlið við ferðaþjónustuna

Þann 24. september 2016 stóðu Íbúasamtök Miðborgar fyrir málþinginu Sambýlið við ferðaþjónustuna í Spennistöðinni, félags og menningarmiðstöð miðborgarinnar. Þar var rætt um sambýli miðborgarbúa við hratt vaxandi ferðaþjónustu en miðborg Reykjavíkur er fjölsóttasti ferðamannastaður landsins. Um 70 manns tóku þátt í málþinginu.

Frummælendur voru embættismenn og sérfrótt fólk um viðfangsefnið sem auk þess er velflest íbúar í miðborginni en þeir voru eftirtaldir:
Ólöf Ýrr Atladóttir ferðamálastjóri
Hjálmar Sveinsson borgarfulltrúi og formaður umhverfis- og skipulagsráðs Reykjavíkurborgar
Áshildur Bragadóttir forstöðumaður Höfuðborgarstofu
Áslaug Friðriksdóttir borgarfulltrúi, situr í hverfisráði Miðborgar
Anna María Bogadóttir arkitekt, situr í stýrihópi um málefni miðborgarinnar
Runólfur Ágústsson íbúi og verkefnastjóri Fluglestarinnar

Auk ofantaldra ávarpaði Benóný Ægisson formaður Íbúasamtaka Miðborgar málþingsgesti og fundarstjóri var Katrín Anna Lund prófessor í land og ferðamálafræðum við Háskóla Íslands. Að framsöguerindum loknum var orðið laust og íbúar gátu tjáð sig um málið eða beint spurningum til frummælenda eða annarra fundargesta.

Fundargestir og frummælendur voru flestir sammála um að margt gott væri að finna við uppgang ferðaþjónusunnar og vó þar þyngst að líklega bjargaði erlendi ferðamaðurinn efnahag þjóðarinnar eftir hrun en einnig lýsti fólk yfir ánægju með fleiri veitingastaði og matvörubúðir. Það sem hinsvegar vakti óánægju fólks var einkum þrennt, umferð langferðabíla, skutla og ofurjeppa um hverfið til að sækja eða skila af sér ferðamönnum og aukin einsleitni í þjónustu sem fylgir því að mikið af verslunarhúsnæði er að fara undir ferðaskrifstofur, skyndibitastaði og „lundabúðir“, starfsemi sem þjónar þörfum ferðamanna á kostnað íbúanna. En það sem fólk hafði þó mestar áhyggjur af er að stöðugt meira húsnæði í miðborginni er nýtt í ferðamannagistingu. Þessi nýja ásókn í húsnæði hefur orðið til þess að fasteigna og leiguverð hefur hækkað svo mikið að ungt fólk hefur ekki lengur efni á að búa í miðborginni og afleiðing þess er að börnum fækkar í skólanum og deildum er lokað í leikskólum.

Ástandið húsnæðismálum mun óhjákvæmilega rýra gildi hverfisins sem íbúahverfis og hættan á hrörnun þess er yfirvofandi og öruggt má telja að ferðamenn hafa lítinn áhuga á að búa í hverfi sem íbúarnir hafa flúið. Veruleg hætta er á því að samfélagslegum hagsmunum og hagsmunum ferðþjónustunnar til lengri tíma verði fórnað á altari græðgi og skyndilausna verði engin bönd sett á núverandi þróun – strax!

Tilbaka



G÷mul mynd

Gamla myndin er af Graf Zeppelin-loftfari yfir mi­bŠnum 1930. Smelli­ ß myndina til a­ stŠkka hana og hÚr mß finna fleiri gamlar myndir ˙r mi­borginni

═b˙asamt÷k Mi­borgar ReykjavÝkur - Ůjˇnustumi­st÷­inni Sk˙lag÷tu 21 - 101 ReykjavÝk - midbaerinn@midbaerinn.is