ÍBÚASAMTÖK MIÐBORGAR REYKJAVÍKUR

Lokastígur 2/ Þórsgata 1. Sameining lóða

Reykjavík, 25. maí 2012

Skipulagsráð Reykjavíkur
Borgartúni 12-14
105 Reykjavík

Mál: Lokastígur 2/ Þórsgata 1. Sameining lóða.

Á fundi Íbúasamtaka Miðborgar þann 22. maí var ofangreitt mál rætt og eftirfarandi samþykkt gerð:

Stjórn Íbúasamtaka Miðborgar telur af fenginni reynslu að sameining lóða í eldri borgarhlutum hafi ekki verið til góðs. Slíkt skerði hið sögulega byggðamynstur sem ber að hafa í heiðri.

Því er heilshugar tekið undir eftirfarandi í drögum að stefnu um borgarvernd í aðalskipulagi 2010-2030 sem kynnt var í Hverfisráði Miðborgar fyrir skömmu: "Meðan grunnmynstur byggðarinnar er verndað og ekki er mögulegt að sameina lóðir nema að ákveðnum skilyrðum gefnum, þá er minni líkur á að byggð verði stórkarlaleg mannvirki sem raska hinu sögulega mynstri".

Þá er einnig gerð athugasemd við að með sameiningu ofangreindra lóða er farið með atvinnurekstur inn í skilgreinda íbúabyggð.

Virðingarfyllst

fh. stjórnar Íbúasamtaka Miðborgar
Magnús Skúlason formaður

Afrit: Fjölmiðlar
Hverfisráð Miðborgar

Tilbaka

Gömul mynd

Gamla myndin er af Graf Zeppelin-loftfari yfir miðbænum 1930. Smellið á myndina til að stækka hana og hér má finna fleiri gamlar myndir úr miðborginni