═B┌ASAMTÍK MIđBORGAR REYKJAV═KUR

News


Um samt÷kin
L÷g
Starfi­
Fundarger­ir
Greinar
FrÚttir


═b˙asamt÷kin ß Facebook



Stjˇrnarfundur 24. apríl 2017

Stjórnarfundur í íbúasamtökum miðborgar Reykjavíkur haldinn 24. apríl 2017 í Hinu húsinu. Mætt Benni, Hlynur, Ragnhildur, Gunnar, Guðrún, Birgitta og Einar sem ritaði fundargerð. Fundurinn hófst kl. 20:00.

1) Rætt um fyrirhugað hreinsunarátak vikuna 2.-7. maí nk. Ákveðið að kynna þetta á Fésbókarsíðu samtakanna. Allir út að þrífa! Hvatt til almennrar þátttöku. Rætt um hvort heilbrigðisreglugerð eða lögreglusamþykkt skyldi fyrirtæki/verslanir til að þrífa í kringum sig. Einnig voru almennar umræður um framkvæmdir í miðbænum og ákveðið að bjóða byggingarfulltrúa Reykjavíkur á næsta stjórnarfund.

2) Vorblót 13. maí haldið í Spennistöðinni. Rætt um mögulega þátttakendur sem gætu kynnt garðyrkju o.fl. því tengt.

3) Benni greindi frá fyrirhugaðri miðborgarstjórn en í henni munu væntanlega sitja 10 manns auk nokkurra áheyrnarfulltrúa. Hún á að funda aðra hverja viku yfir vetrartímann. Fyrsti fundur (kynningarfundur) verður haldinn 2. maí. Benni verður fulltrúi samtakanna í þessari stjórn. Hann kemst ekki á fyrsta fundinn. Ákveðið að Gunnar mæti í hans stað. Einnig rætt um svonefndan miðborgarsjóð sem í verða 30 milljónir króna. Samtökin geta sótt um styrki úr þessum sjóð, jafnvel að gera þjónustusamning við borgina til allt að þriggja ára.

4) Rætt um fækkun íbúa í miðborginni og höfðu menn áhyggjur af þeirri þróun. í árslok 2011 voru íbúar í miðborginni 8.611 en 7.842 í árslok 2016. Þessi þróun er öfug miðað við önnur hverfi en íbúum fjölgar í þeim öllum.

5) Rætt um samstarf íbúasamtaka, einkum við Vesturbæ annars vegar og Hlíðar og Holt hins vegar. Kynntir voru málefnaflokkar sem rætt var um á sameiginlegum fundi. Ákveðið að Einar hefði samband við Þorstein Sæmundsson í íbúasamtökum Vesturbæjar varðandi loftmengun í Reykjavík. Takmarkið er að semja sameiginlegar ályktanir hverfanna þriggja.

Önnur mál voru engin. Fundi slitið kl. 21:30

Einar Örn Thorlacius ritaði fundargerð


Tilbaka



G÷mul mynd

Gamla myndin er af Hˇtel ═slandi sem stˇ­ ß horni AusturstrŠtis og A­alstrŠtis. Smelli­ ß myndina til a­ stŠkka hana og hÚr mß finna fleiri gamlar myndir ˙r mi­borginni

═b˙asamt÷k Mi­borgar ReykjavÝkur - Ůjˇnustumi­st÷­inni Laugavegi 77 - 101 ReykjavÝk - midbaerinn@midbaerinn.is