═B┌ASAMTÍK MIđBORGAR REYKJAV═KUR

News


Um samt÷kin
L÷g
Starfi­
Fundarger­ir
Greinar
FrÚttir


═b˙asamt÷kin ß Facebook



Stjˇrnarfundur 16. september 2017

Stjórnarfundur laugardaginn 16. september kl. 11.30 í Spennistöðinni

Dagskrá:
1. Undirbúningsfundur fyrir aðalfund
2. Önnur mál

Mætt eru: Benóný, Birgitta, Guðrún J., Guðrún Erla, Ragnhildur. Einar og Hlynur boðuðu forföll.

Önnur mál fyrst:

• Borgarráð hefur úthlutað fjármagni til að endurbæta lýsingu í húsnæði Spennistöðvarinnar og hólfa húsnæðið niður til að auka nýtingarmöguleika þess. Einnig hefur verið rætt um milliloft að hluta. Þetta verður væntanlega kynnt fljótlega á fundi húsráðs.

• Sameiginlegur fundur hverfisráða og íbúasamtaka í Vesturbæ, Miðborg og Hlíðum verður haldinn þann 10. okt kl. 17.00 í ráðhúsinu um ferðaþjónustumál. Fundurinn er að frumkvæði formanns hverfisráðs Hlíða í kjölfar samráðshóps íbúasamtaka varðandi stöðvun frekari uppbyggingar gististaða á miðborgarsvæðinu. Fulltrúar frá sýslumanni og byggingarfulltrúa mæta, Ragnhildur frá ÍMR og Birgir frá Íbúasamtökum Vesturbæjar verða með innlegg á fundinum.

• Heil brú. Smiðja í október væntanlega sirkusskóli – fyrsta málþingið yrði í nóvember.

• UmHverfisgöngur. Á bið þangað til að úthlutun úr miðborgarsjóði liggur fyrir. Framkvæmdin er flókin, þarf að þróa og einfalda. Mikil ánægja með fyrstu gönguna á Iðnaðarmannareitnum, þar er mikið álag. Svæði hefur verið haldið hreinu í kjölfar göngunnar. Benóný er tengiliður íbúa, Jóhann í Ostabúðinni er tengiliður verslunareigenda á reitnum og Elísabet verkefnastjóri miðborgarmála fulltrúi borgarinnar. Hugmynd um að halda næstu göngu á íbúasvæði: Miðstræti, Laufásvegur, Fjólugata, Smáragata, Sóleyjargata, Listasafn, Kvennaskólinn, sendiráðin. Rætt um gerð kynningarefnis og nauðsyn þess að Íbúasamtökin eignist lógó.

• Drulló. Benóný hefur haldið áfram að reyna að ná sambandi við eigendur Fríkirkjuvegar 11 vegna Drulló án árangurs. G.Erla sendir á Benóný upplýsingar um Guðna byggingarstjóra sem gæti orðið tengiliður vegna þessa máls.

• Biðskýli við rútustæðin fyrir ferðamenn. Benóný sendir borgarstjóra brýningu um að komið verði upp skýlum fyrir veturinn.

• Lýsing við Austurbæjarskóla og boltavellina slæm eða engin – eftirfylgni við málþingið í vetur

AÐALFUNDUR verður þriðjudaginn 26. september kl. 20 í Spennistöðinni. Hefðbundin aðalfundarstörf: Benóný flytur skýrslu stjórnar, Guðrún gjaldkeri gerir reikningum skil. Kosið í stjórn. Anna, Einar, Hlín, Hlynur og Gunnar hætta, en stjórn samanstendur af 7 aðalmönnum og 4 varamönnum. Rætt um að það vanti íbúa úr norðurhuta hverfisins; Hverfisgata, Lindargata, Skúlagata, Skuggahverfi. Elisabet Ingadóttir, verkefnastjóri miðborgarmála kynnir nýjan samráðsvettvang um miðborgarmál. Benóný mun kynna verkefni íbúasamtakanna, UmHverfisgöngur og Heila brú. G.Erla talar við Viðar Eggertsson um fundarstjórn aðalfundar. Benóný finnur leið til að koma póstlista íbúasamtakanna í lag fyrir aðalfund.

Fundi slitið kl. 12.50

Birgitta Bára Hassenstein ritaði fundargerð


Tilbaka



G÷mul mynd

Gamla myndin er af Hˇtel ═slandi sem stˇ­ ß horni AusturstrŠtis og A­alstrŠtis. Smelli­ ß myndina til a­ stŠkka hana og hÚr mß finna fleiri gamlar myndir ˙r mi­borginni

═b˙asamt÷k Mi­borgar ReykjavÝkur - Ůjˇnustumi­st÷­inni Laugavegi 77 - 101 ReykjavÝk - midbaerinn@midbaerinn.is