ÍBÚASAMTÖK MIÐBORGAR REYKJAVÍKUR

Stjórnarfundur 15. febrúar 2023

Stjórn Íbúasamtaka Miðborgar 2022-2023.

Fundur stjórnar Íbúasamtaka Miðborgar Reykjavíkur haldinn 15. febrúar 2023 kl. 17:00 í Spennistöðinni. Mætt: Sigrún Tryggvadóttir formaður, Ásdís Káradóttir, Birna Eggertsdóttir, Bjarni Agnar Agnarsson, Guðrún Erla Geirsdóttir, Margrét Einarsdóttir og Pétur Hafþór Jónsson. Holberg Másson boðaði forföll.

Til umræðu var undirbúningu fjölmenningarlegrar vetrarhátíðar íbúasamtakanna.

Samþykkt að vetrarhátíðin verði 4. mars kl. 13:00-16:00. Hátíðin sem helguð er fjölmenningu verður blanda af smiðjum og skemmtiatriðum. Samþykkt að greiða að jafnaði 75 þús. kr. fyrir hvert skemmtiatrið/smiðju. Stjórnin mun mæta kl. 12:00 og gera salina í Spennistöðinni klára. Gerla tekur að sér að hafa samband við konur úr filippseyska samfélaginu og athuga með að fá mat og föndursmiðju frá heimalandi þeirra. Dagskrá:

Kl. 13:10 Tónagull: Þátttöku smiðja fyrir börn upp að 4 ára aldri sem Adam J. Swidala mun sjá um ásamt aðstoðarmanneskju. Söngvar frá Póllandi, Úkraínu og fleiri löndum.
Kl. 13:50 Föndursmiðja.
Kl. 14:00 Múltíkúltikúltíkórinn: Kór kvenna frá 15 löndum mun syngja lög frá heimalöndunum.
Kl. 14:20 Chris og Bára Grímsdóttir:Tónlist frá Íslandi og Bretlandi með þátttöku gesta.
Kl. 14:40 Bollywood danstími: Margrét Erla Maack sér um danstíma fyrir alla fjölskylduna.
Kl. 15:00 Gestir gæða sér á hressingu (stefnt að austurlenskum og austur-evrópskum mat).
Kl. 15:20 Trommusmiðja: Cheick A T Bangoura gefur ungum sem öldnum tækifæri á að leika á afrískar djembetrommur.

Samþykkt að halda aukafund eftir viku. Ganga þá endanlega frá dagskránni og að formaður geri grein fyrir þeim málum sem til umræðu hafa verið á fundum Íbúaráðs Miðborgar og Hlíða.

Fundi slitið kl. 18:10.

Guðrún Erla Geirsdóttir ritari

Tilbaka

Gömul mynd

Gamla myndin er af Hótel Íslandi sem stóð á horni Austurstrætis og Aðalstrætis. Smellið á myndina til að stækka hana og hér má finna fleiri gamlar myndir úr miðborginni